பிரபல / அனுபவ பதிவர்களுக்கு பத்து கேள்விகள்! புது பதிவர்கள் சார்பாக!

தமிழ் வலைப்பதிவர்களுக்கு!

வலையுலகிற்கு புதியவர்களாகிய எங்களைப்போன்றோருக்கு உங்களைப்போல் உள்ள அனுபவம் வாய்ந்த பதிவர்களின் அறிமுகம் அவ்வளவு எளிதாக கிடைப்பதில்லை. புதிய பதிவுகளை அவ்வளவாக ஊக்கப்படுத்துவதும் இல்லை. பதிவர் சந்திப்புகளில் எங்களைப்போன்றோருக்கும் முக்கியத்துவம் கொடுத்தால் நன்றாயிருக்கும். அனைவரின் கவனத்தையும் புதிய பதிவர்களின் பக்கம் ஈர்க்கும் ஒரு முயற்சியே இது.

                                                    

பிரபல / அனுபவ பதிவர்களுக்கு பத்து கேள்விகள்!

1 . தொழில்நுட்ப பதிவர்களுக்கு!

  

    கேள்வி: மாங்கு மாங்குனு ஒரே டெக்னிகல் பதிவா எழுதறீங்களே. ப்ளாக் சம்பந்தப்பட்ட பதிவு எழுதும்போது அத ஏன் உங்க ப்ளாக்குக்கு அப்ளை பண்ண மாட்டேங்கறீங்க? (ரொம்ப நாளா இந்த டவுட் இருக்கு!) 

பதில் : யாம் பெற்ற இன்பம் இவ்வய்யகம் பெருக! தெரியாதவங்கலாம் தெரிஞ்சிக்கட்டும். நாங்க எப்ப வேணாலும் அப்ளை பண்ணிக்குவோம்.

[ ஒரு வேளை இப்படி இருக்குமோ?

  தம்பி... இந்த உபதேசம்லாம் ஊருக்கு மட்டும் தான்.]

                                                      

2 . எப்போதும் சூடான இடுகை பகுதியிலுள்ள, அதிக ஓட்டு வாங்கும் பிரபல பதிவர்களுக்கு!

கேள்வி : விடிய விடிய யோசிச்சு எப்படி எப்படியோ திங்க் பண்ணி தலைப்பு வச்சாலும் ஒரு பயலும் எட்டி பாக்க மாட்டேங்கறாங்க. ஆனா நீங்க தலைப்பே வைக்கலேன்னா கூட அடுத்த ஒரு மணி நேரத்துல எல்லாமே கிடைக்குதே எப்படி?

பதில் : இவ்வளவு வருசத்துல நாங்க சம்பாதிச்சது இது தான். எங்க எழுத்துக்கு கிடைச்ச ஒரு சின்ன அங்கீகாரம்.

[ ஒரு வேளை இப்படி இருக்குமோ?

தம்பி! இந்த ஆட்டோ தெரியுமா ஆட்டோ! அனுப்பனுமா? ( 'வர ஓட்ட இவன் கெடுத்துடுவான் போல இருக்கே!' )  ]

3 .  தொடர் பதிவு எழுதும் பதிவர்களுக்கு!

கேள்வி : ஒரு தொடர் பதிவு எழுதிட்டு கடைசியா மூணு பேர சொல்லி அவங்கள எழுத சொல்லறீங்களே. அதுல எங்கள மாதிரி புது பதிவர்களை எல்லாம் கூப்பிடவே மாட்டீங்களா?

பதில் : டைரக்டா ஹீரோ தானா? இந்த பிரண்டு, அமெரிக்கன் மாப்பிளை லாம் வேண்டாமா?

[ இப்படி இருக்குமோ!

நாங்களே என்ன எழுதறதுன்னே தெரியாம இத எழுதிட்டு இருக்கோம். இதுல உனக்கும் பங்கு வேணுமா? ]

4 . திரைப்பட விமர்சனம் எழுதும் பதிவர்களுக்கு!

 கேள்வி: சார்! எப்படி சார் இவ்வளவு தைரியமா எல்லா படத்தையும் டைரக்டா விமர்சனம் பண்ணறீங்க? நல்ல படத்த கூட நார் நாரா கிழிக்கறீங்க?

பதில் : இதுல என்னப்பா இருக்கு! தப்புன்னு தெரிஞ்சா வெளிப்படையா சொல்லறோம். அதே சமயம் தகுதியான படத்தை பாராட்ட நாங்க எப்பவும் தயங்க மாட்டோம்.

                                              

[ இப்படி இருக்குமோ!

ங்கொய்யால! இப்படிலாம் கிழி கிழி கிழிச்சாத்தான் நல்ல பதிவர்னு சொல்லறாங்க! என்னத்த பண்ண? ]

5 . பின்னூட்டங்களுக்கு உடனடி பதில் போட்டும் பதிவர்களுக்கு!

கேள்வி: ஏம்ப்பா! ஒரு கமென்ட் போட்ட அடுத்த அஞ்சாவது நிமிசத்திலேயே ரிப்ளை பண்ணறீங்களே... உங்களுக்கு ஆபீஸ்ல வேற வேலையே இல்லையா?

பதில்: இதெல்லாம் வாசகர்களை அதிகப்படுத்த ஒரு வழிப்பா....

[ இப்படி இருக்குமோ!

எப்பவாவது ஒரு கமென்ட் வரும். அதுக்கு உடனே ரிப்ளை பண்ணினா தான் இன்னும் ரெண்டு பேரு வருவான்... நம்ம பின்னூட்ட கவுண்டும் அதிகமாகும். இதெல்லாம் தெரிஞ்சிக்கோ! தம்பி! ]

6 . பின்னூட்டத்திலேயே சாட், மொக்கை போடும் நண்பர்களுக்கு!

கேள்வி: உங்களுக்கெல்லாம், இந்த G Talk, Yahoo messenger, facebook, buzz அப்படினா என்னனே தெரியாதா?

பதில்: ....................................................

[ இப்படி இருக்குமோ!

உனக்கு Blog Comment Box எதுக்குன்னே தெரியாதா? ]

7 . பதிவுகளை திருடும் திருடர்களுக்கு சாரி பதிவர்களுக்கு!

கேள்வி : இந்த பதிவு மூணு மாசத்துக்கு முன்னாடியே வேற ஒரு ப்ளாக்ல வந்திருச்சே.... 

                                                

பதில்: அப்படியா! Actually இது என் மனசுல பத்து வருசமா ஓடிட்டு இருந்தது... அத இப்போ நான் எழுதியிருக்கேன். அப்புறம் எதோ ப்ளாக்ல வந்ததா சொல்லறீங்களே அதெல்லாம் படிக்கற பழக்கம் எனக்கு கிடையாது. Only English புக்ஸ் தான்.

[ இப்படி இருக்குமோ!

மேல இருக்குற பதிலையே copy , paste பண்ணிக்கோ பா! ]

(இவங்கலாம் ஜென்மத்துக்கும் உண்மையே பேச மாட்டாங்க!)

8 . அரசியல் பதிவெழுதும் பதிவர்களுக்கு!

கேள்வி : ஏன் சார் எப்ப பாத்தாலும் எல்லோரையும் திட்டிட்டே இருக்கீங்க?

பதில் : பின்ன அவனுங்களை புகழ சொல்லறயா? நல்லது ஏதாவது நடக்க விடறாங்களா?

[ இப்படி இருக்குமோ!

Competetion Boss! Competetion.... தீயா உழைக்கனும்.... ]  

9 . பிகர் பற்றி பதிவு எழுதும் பிரபல பதிவர்களுக்கு!

கேள்வி: நீங்க பொண்ணுங்கள பிகர்னு சொன்னா எல்லாரும் கை தட்டறாங்க... ஆனா நாங்கலாம் சொன்னா சமூக விரோதி மாதிரி பாக்கறாங்களே.. அது ஏன்?

( சத்தியமா பதில் எழுத தெரில )

                                                              

10 . தலைப்பிற்கும் பதிவிற்கும் சம்பந்தமே இல்லாமல் பெயர் வைக்கும் பதிவர்களுக்கு!

கேள்வி: உங்க பதிவும், நீங்களும் பிரபலமாகணும்னு நினைக்கறீங்க... சரியா?

பதில்: அதான் தெரியுதில்ல... அப்புறம் என்ன கேள்வி...  ( No Indirect Answer )

டிஸ்கி:

கடைசியாய் எதற்க்கெடுத்தாலும் டிஸ்கி போடும் பதிவர்களுக்கு!

கேள்வி: ஏம்பா! எல்லா பதிவுக்குமே டிஸ்கி போடறீங்க?

பதில் : இது மட்டும் இல்லேனா எவ்ளோவோ பேர்கிட்ட அடிவாங்க வேண்டி இருக்கும்.

[ பாலாஜி : இது முழுக்க முழுக்க கற்பனையே! நகைச்சுவைக்காக எழுதியதே! யார் மனதையும் புண் படுத்தி இருந்தால் மன்னிக்கவும்!

ஹையா! நானும் டிஸ்கி போட்டுட்டேனே ]